Nossa gruppa da preparaziun per las devoziuns ei ina sutgruppa dil Cussegl pastoral dalla Pleiv Sogn Gions.  Il patratg essenzial dallas devoziuns ei da salidar il Segner e tgirar la cuminonza cristiana.

Las devoziuns che nus numnein „Salid dil Segner“ vegnan preparadas a moda adattada per affons che frequentan gl’emprem e secund onn da scoletta, sco era l’emprema, secunda e tiarza classa primara. Las devoziuns han liug ina gada per meins naven dil settember entochen dumengia da palmas. Mintg`affon retscheiva in'invitaziun persunala alla devoziun.

Historias ord la bibla ed ord la veta da Jesus stattan el center dallas sentupadas culs affons. Enten tedlar, mirar, urar, cantar, saltar e zambergiar vegnan ils affons avischinai allas historias che raquentan co il Bab en tschiel e Jesus s'entaupan culs carstgauns.

Duront che geniturs e fargliuns pli gronds visetan il survetsch divin a Sogn Gions, separticipeschan ils affons al "Salid dil Segner" che ha liug ell’aula dalla casa da scola.

Mintg'affon survegn ina candeila, la quala accumpogna el duront tut las devoziuns. Uonn porta la candeila il simbol dad ina tuor da signal. Plinavon posseda mintg'affon in cudischet da devoziuns che vegn cumplettaus cun oraziuns, canzuns e maletgs. El ei destinaus per il diever da mintgadi.

 

 

 

 

Termins

 

Nossas proximas devoziuns han liug suenter las vacanzas da stad.

Ils datums suondan.

Las devoziuns han puspei liug ell'aula dalla casa da scola.

 

 

 

 

 

 

 

 

 

 

 

 

 

 

 

 

Wir nutzen Cookies auf unserer Website. Einige von ihnen sind essenziell für den Betrieb der Seite, während andere uns helfen, diese Website und die Nutzererfahrung zu verbessern (Tracking Cookies). Sie können selbst entscheiden, ob Sie die Cookies zulassen möchten. Bitte beachten Sie, dass bei einer Ablehnung womöglich nicht mehr alle Funktionalitäten der Seite zur Verfügung stehen.