In`impurtonta tgina per capir nossa cardientscha ein maletgs, simbols e segns,

en ils quals semuossan la verdad dil Segner e sia relaziun tiel carstgaun en ina fuorma figurativa.

Elsbeth Bihler

 Maria de Lurdes Loureiro     Corina Defuns-Casaulta     Rosmarie Duff-Albin     Sonja Durschei-Keller

Helen Lutz-Riedweg   Ursina Murer-Fatzer  

Nus essan ina gruppa innovativa e motivada e l'educaziun religiusa ei ina part essenziala da nossa veta. Ella gruppa flessegia ina liunga experienza da preparar e menar atras devoziuns per affons.

Inagada ad onn sesin nus ensemen per fixar ils datums dallas devoziuns ed il tema che accumpogna nus duront igl onn ora. Las lavurs organisatoricas e da preparaziun vegnan repartidas denter las menadras. Beinduras s'entupein nus era per zambergiar e preparar material per ils affons. Plinavon suonda suenter mintga devoziun ina cuorta sesida per reflectar il decuors e rimnar novas ideas.

Duas menadras ein mintgamai responsablas per la devoziun. Ellas defineschan il cuntegn e preparan la successiun e realisaziun dalla devoziun. Las ulteriures menadras segidan tenor basegns.